قد يبدوا عنوانا غريبا أبدأ به و لكن هذه التسمية تعود بنا إلى عبد الفتاح القصرى ذلك اللص العتى الذى سرق العقد و يقوم بترهيب نجيب الريحانى باستخدام عنكب و الحاجة زهرة إلى هيا من منشئات الوالد طبعا , بس المشكلة إن المجلس العسكرى لا يستخدم الإخوان و السلفيين فقط و لكن أيضا شباب إعتلاف الثورة فمثلا تشعر بعد كلام شادى الغزالى عن المعتقلين من الثوار و أعدادهم بانهم أربعة فقط منهم عمرو البحيرى بأنك تشاهد و تسمع اللواء حسام سويلم فى إحدى وصلات النفاق و الغباء العلنى .ده غير طبعا مجموعة لاطمى الخدود على الاقتصاد المنهارمن رجال أعمال يا حرام على اساس أن الثوار كل واحد فيهم قاعد فى وزارة بيأمر و يخرب فيها و مجموعة نخبوية ماركة عبده مشتاق مشتاق الحضن الحضن البوس البوس لأى كرسى و السلام .
كما يستخدم مجلس و الله المستعان إعلام حكومى لإيهام عموم الشعب بأن كل من يقبض عليه و يتلفظ بالنقد تجاه المجلس انه يود ان يصنع فتنة بين الشعب و الجيش ... فتنة تانى عااااااووووووو عايزين يقسموا الجيش و يبيعوا البلد مش فاهم إزاى .
و لكنهم يلعبون على وتر إنتشار الجهل بين غالبية تم تجهيلها عمدا مع سبق الإصرار و التعمد لمدة عقود طويلة و لهذا الحديث متسع ليس مجاله الان .
يبقى عبد الفتاح القصرى بيستخدم عنكب و زهرة و كمان الإعلام الحكومى و معاه المنتفعين و المطبلاتية من إعلام السيد البدوى و حسن راتب و أحمد بهجت و البرنس بلحة الشهير بعمرو أديب على قنوات أوربت السعودية ... هذه القنوات و الصحف لم تتحدث عن أى شىء من اعتقالات السفارة الاسرائيلية و صورت الموضوع ان محاولة تصدى القوات للمحتجين المحاولين اقتحام السفارة و المواطن البسيط يلطم على خده الله يخرب بيتكم انتوا عايزين اسرائيل تحاربنا .. طيب بص يا مواطن بسيط افندى انا متعاطف مع القضية الفلسطينية بس انا هقولك بالبلدى كده ما تسترجل يا روح أمك و فيها إيه لما اسرائيل تحاول تجر شكل مصر هو انتو لازم لإما نكون فى ثورة قومية عبد الناصر أو فى خنوع و ذل مبارك أقف فى النص يا سيدى بينهم بس فكر شوية إزاى الناس المحتجين على قيام دولة محتلة بسرقة أراضى وطن اخر و قتل اطفاله و القصة الى انت عارفها فهنا الإنسانية تفرض علينا إحترام هؤلاء المحتجين إلى لو كلفت خاطرك و نزلت عند السفارة الاسرائيلية من قبل يوم فض المظاهرة و انت هتعرف انك محتاج اكتر من لواء مدرع عشان يقتحم المتاريس و القوات المؤدية للمكان و ليس الاسانسير زى ما قالوا او يوم فض إعتصام 8 أبريل التى صورت الموضوع على ان مجموعة من البلطجية حاولت الاشتباك مع المعتصمين و تدخل الجيش و وقعت اصابات و خدوا ناس و إعتقلوهم برضه .
طيب يوم 9 مارس بقى لما ضربوا البنات بالشلاليت و الولاد إتضحضحوا و طلعوا قالوا رصيدنا لديكم يسمح ماشى يا عم الفاتورة .... فين بقى عقاب الروشين إلى تسببوا فى فقد جزء من الرصيد يعنى مثلا جزاءات شديدة على الضباط و لا ايه مافيش عقاب خالص .. طيب فين باقى الناس و الشباب إلى أتقبض عليهم من يوم 25 يناير لحد دلوقتى .
طيب إشمعنى مبارك و شلته يتحاكموا مدنى و دول يتحاكموا عسكرى رغم انهم ماقتلوش حد عكس مبارك و شلته
طيب ليه مكتب جماعة الاخوان المسلمين ماسمعناش منه ان فى اخوانجية إتقبض عليهم ... ليه الشيوخ السلفيين الى اتقبض عليهم فى احداث الفتنة المهلبية ما شفناهمش خدوا أحكام .. طيب حد بيتحقق معاه فى قتل اللواء البطران لأه .. حد شاف حسنى و مراته أو عياله لأة ... اشمعنى عز و زكريا و صفوت إلى شفنا صور ليهم بس .... طيب يعنى دى أخرتها أن شباب الثورة يتحاكموا محاكمات عسكرية ماركة أبو سريع يا ولعة و خونة النظام السابق يتحاكموا ماركة سوق على مهلك سوق .
و بعدين ايه بقى إنتوا بتعاقبوا الثوار كده انهم عملوا الثورة بس مش عايزين تبينوها للناس الغلابة انكم مع النظام القديم اه اه يا بتوع الحلمبوحة ....
حضرات الشعب المحترم كل ما نريده هو العدل فقط سواء للشباب المعتقل و الذى حكم عليه بأحكام عسكرية أو أولئك الخونة من النظام القديم و عبدته ....و سوف يتحقق هذا بإذن الله .
سؤال كده ع الماشى طالما انتوا من أول يوم مع الثورة و مطالبها المشروعة أمال سبتوا بتوع موقعة الجمل يدخلوا يموتوا فى الثوار لمدة 36 ساعة ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سؤال برضه ع الماشى انتوا مش متعودين على النقد نتيجة ان القائد يأمرو سلسلة الاوامر القيادية و شغل الجيش ده أنا مش معترض مؤسستكم و انتم أدرى بيها و بتقاليدها ... بس انتم دلوقتى بتوع سياسة و حكم اه انتقالى و لكن بتعامل مدنيين يبقى انت زيك زى أى واحد مش إله و تقع تحت أقلام النقد يا معلم .... و يا ريت شغل الشرطة العسكرية إلى بيتعمل على عساكر الجيش ما يتعملش مع المدنيين الله يكرمكم عشان ده شئ بدين أوى
خلاصة الكلام ... مطالب بسيطة أوى لو فى نية صافية عندكم و الكرة الان فى منطقة المنتصف .. مش هقول إفراج و لكن محاكمات أمام قاضى طبيعى يعنى يروحوا نيابة عادية و ساعتها النيابة أنا متأكد هتدلهم أفراج اضعف الايمان بضمان البطاقة عارفين ليه عشان دول شباب مصر الحر المظلوم يا سادة مش بلطجية و حرامية .. رغم إن الافراج هو المطلب العادل الكامل
كما يستخدم مجلس و الله المستعان إعلام حكومى لإيهام عموم الشعب بأن كل من يقبض عليه و يتلفظ بالنقد تجاه المجلس انه يود ان يصنع فتنة بين الشعب و الجيش ... فتنة تانى عااااااووووووو عايزين يقسموا الجيش و يبيعوا البلد مش فاهم إزاى .
و لكنهم يلعبون على وتر إنتشار الجهل بين غالبية تم تجهيلها عمدا مع سبق الإصرار و التعمد لمدة عقود طويلة و لهذا الحديث متسع ليس مجاله الان .
يبقى عبد الفتاح القصرى بيستخدم عنكب و زهرة و كمان الإعلام الحكومى و معاه المنتفعين و المطبلاتية من إعلام السيد البدوى و حسن راتب و أحمد بهجت و البرنس بلحة الشهير بعمرو أديب على قنوات أوربت السعودية ... هذه القنوات و الصحف لم تتحدث عن أى شىء من اعتقالات السفارة الاسرائيلية و صورت الموضوع ان محاولة تصدى القوات للمحتجين المحاولين اقتحام السفارة و المواطن البسيط يلطم على خده الله يخرب بيتكم انتوا عايزين اسرائيل تحاربنا .. طيب بص يا مواطن بسيط افندى انا متعاطف مع القضية الفلسطينية بس انا هقولك بالبلدى كده ما تسترجل يا روح أمك و فيها إيه لما اسرائيل تحاول تجر شكل مصر هو انتو لازم لإما نكون فى ثورة قومية عبد الناصر أو فى خنوع و ذل مبارك أقف فى النص يا سيدى بينهم بس فكر شوية إزاى الناس المحتجين على قيام دولة محتلة بسرقة أراضى وطن اخر و قتل اطفاله و القصة الى انت عارفها فهنا الإنسانية تفرض علينا إحترام هؤلاء المحتجين إلى لو كلفت خاطرك و نزلت عند السفارة الاسرائيلية من قبل يوم فض المظاهرة و انت هتعرف انك محتاج اكتر من لواء مدرع عشان يقتحم المتاريس و القوات المؤدية للمكان و ليس الاسانسير زى ما قالوا او يوم فض إعتصام 8 أبريل التى صورت الموضوع على ان مجموعة من البلطجية حاولت الاشتباك مع المعتصمين و تدخل الجيش و وقعت اصابات و خدوا ناس و إعتقلوهم برضه .
طيب يوم 9 مارس بقى لما ضربوا البنات بالشلاليت و الولاد إتضحضحوا و طلعوا قالوا رصيدنا لديكم يسمح ماشى يا عم الفاتورة .... فين بقى عقاب الروشين إلى تسببوا فى فقد جزء من الرصيد يعنى مثلا جزاءات شديدة على الضباط و لا ايه مافيش عقاب خالص .. طيب فين باقى الناس و الشباب إلى أتقبض عليهم من يوم 25 يناير لحد دلوقتى .
طيب إشمعنى مبارك و شلته يتحاكموا مدنى و دول يتحاكموا عسكرى رغم انهم ماقتلوش حد عكس مبارك و شلته
طيب ليه مكتب جماعة الاخوان المسلمين ماسمعناش منه ان فى اخوانجية إتقبض عليهم ... ليه الشيوخ السلفيين الى اتقبض عليهم فى احداث الفتنة المهلبية ما شفناهمش خدوا أحكام .. طيب حد بيتحقق معاه فى قتل اللواء البطران لأه .. حد شاف حسنى و مراته أو عياله لأة ... اشمعنى عز و زكريا و صفوت إلى شفنا صور ليهم بس .... طيب يعنى دى أخرتها أن شباب الثورة يتحاكموا محاكمات عسكرية ماركة أبو سريع يا ولعة و خونة النظام السابق يتحاكموا ماركة سوق على مهلك سوق .
و بعدين ايه بقى إنتوا بتعاقبوا الثوار كده انهم عملوا الثورة بس مش عايزين تبينوها للناس الغلابة انكم مع النظام القديم اه اه يا بتوع الحلمبوحة ....
حضرات الشعب المحترم كل ما نريده هو العدل فقط سواء للشباب المعتقل و الذى حكم عليه بأحكام عسكرية أو أولئك الخونة من النظام القديم و عبدته ....و سوف يتحقق هذا بإذن الله .
سؤال كده ع الماشى طالما انتوا من أول يوم مع الثورة و مطالبها المشروعة أمال سبتوا بتوع موقعة الجمل يدخلوا يموتوا فى الثوار لمدة 36 ساعة ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سؤال برضه ع الماشى انتوا مش متعودين على النقد نتيجة ان القائد يأمرو سلسلة الاوامر القيادية و شغل الجيش ده أنا مش معترض مؤسستكم و انتم أدرى بيها و بتقاليدها ... بس انتم دلوقتى بتوع سياسة و حكم اه انتقالى و لكن بتعامل مدنيين يبقى انت زيك زى أى واحد مش إله و تقع تحت أقلام النقد يا معلم .... و يا ريت شغل الشرطة العسكرية إلى بيتعمل على عساكر الجيش ما يتعملش مع المدنيين الله يكرمكم عشان ده شئ بدين أوى
خلاصة الكلام ... مطالب بسيطة أوى لو فى نية صافية عندكم و الكرة الان فى منطقة المنتصف .. مش هقول إفراج و لكن محاكمات أمام قاضى طبيعى يعنى يروحوا نيابة عادية و ساعتها النيابة أنا متأكد هتدلهم أفراج اضعف الايمان بضمان البطاقة عارفين ليه عشان دول شباب مصر الحر المظلوم يا سادة مش بلطجية و حرامية .. رغم إن الافراج هو المطلب العادل الكامل
- تانى مطلب تقولوا للداخلية تشرب بيريل
- تالت حاجة اللينك ده ممكن ترد علينا http://www.youtube.com/watch?v=p6uDY74FnY8
- اخر حاجة شكرا للشخص إلى فكر فى التدوين عن المحاكمات العسكرية للمدنيين .
- بالمناسبة دى أول مرة أكتب فيها بس يعنى العقاد كان بيقول ان حتى قراءتك للكتاب السىء ليست إضاعة للوقت لأنك هتستفاد إنك ماتقراش للكاتب تانى
